Chuaigh bia triúr go bruach Loch na nÉan,

D'ith an bia an triúr, tháinig sé féin.

Cuireann an duine uasal ina phóca é,

Agus caitheann an duine bocht uaidh é.

Céard a ghearrtar ar an mbord agus nach n-itear?

Chuaigh mé suas an bóithrín agus tháinig mé anuas an bóithrín agus thug mé an bóithrín liom ar mo dhroim.

Ní fuil, ní feoil agus ní cnámh é

Ach is as fuil agus feoil a tháinig sé.

Ní fuil é agus ní feoil é,

Agus as fuil agus feoil a d'fhás sé.

Bó bhreac ag léimneacht ar leac,

Ní fliuchtar í agus ní báitear í.

Chuaigh sé amach ar mhaidí rámha

Agus tháinig sé isteach gan loing ná bád.

Corcán airgid is é lán den fheoil bheo.

Siúd ar an gclúid é

Agus dhá chéad súil ann

Thógfainn i mo ghlaic é is ní chuirfeadh arm an rí gad air

Siúd thall ort é, ní trom leat é

Ní ball de bhaill do choirp é

's tá sé ort ina dhiaidh sin.

M'athair mór ar chúl an chófra agus dhá chéad cóta air.

Teachtaire beag ó theach go teach,

a chodlaíos amuigh san oíche.

Gearráinín bobáilte donn 

A shiúlfadh an domhan

's nach bhfliuchfadh a chos?

Cnap saille faoi bhun coille agus gan aon easna ann?

Chomh hard le balla, chomh bán le bainne,

Chomh dearg le fuil, chomh milis le mil.